КУЗМАНОВСКИ:СО ПОРТУГАЛИЈА И РОМАНИЈА ЌЕ БИДЕМЕ ПОДОБРИ

Капитенот на репрезентацијата, Филип Кузмановски, им честиташе на Данска за одличната игра, посочувајќи дека со помалку грепки можеме да бидеме подобри со Португалија и Романија.

,,Честитки до Данска. Натпреварот го започнавме со одредена трема, но очекувам на дуелите со Португалија и Романија да настапиме многу порелаксирано. Ќе направиме темелна анализа, бидејќи уште пред стартот на првенството бевме свесни колку е тешко да се изненади селекција како Данска, која со право важи за еден од главните кандидати за златниот медал.

Фокусот сега е насочен кон натпреварите со Португалија и Романија. Доколку ги намалиме грешките, играме без страв и со поголема самодоверба, сигурно можеме да прикажеме многу подобра игра од онаа на првиот меч.

По деталната анализа се гледа дека имавме премногу технички грешки и промашени чисти шанси. Работиме на нивно отстранување и мора да бидеме на значително повисоко ниво во следните натпревари ако сакаме позитивен резултат. Добро ги познаваме квалитетите на Португалија и знаеме од каде доаѓа опасноста, бидејќи и тие играат во висок ритам. Натпреварот со Данска беше добар тест за сè што нè очекува понатаму.“