ВАРДАР ВО БЕНФИКА ЈА СТАРТУВА ГЛАВНАТА РУНДА ВО ЛИГА ЕВРОПА

Ракометарите на Вардар вечерва од 18:45 со гостување кај Бенфика го стартуваат учеството во главната рунда од Лигата на Европа.

Во новоформираната група „3“, Бенфика главната рунда ја започнува со нула пренесени бодови (2 порази од Мелсунген), додека Вардар има пренесено 2 бода (победа и пораз со Кристијанштад).

Гостувањето кај Бенфика е вистински предизвик за „црвено-црните“, а евентуална победа широко ќе ги отвори вратите кон 1/4 во Лигата на Европа. По вечерашниот дуел, Вардар го очекуваат два домашни натпревари во ЛЕ против Мелсунген и Бенфика.