ФФМ СО ЧЕСТИТКА ДО РАКОМЕТАРИТЕ: КОГА ПОБЕДУВА МАКЕДОНИЈА – ПОБЕДУВАМЕ СИТЕ
Кирил Стојанов 
Денес на плоштадот Македонија свечено беа отворени Плазма Спортските игри за млади. Пламенот за официјален почеток го запалија, претседателот на владата Христијан Мицкоски, Mинистерот за спорт Борко Ристовски, претседателката на Федерацијата на училишен спорт на Македонија, Елена Мицковска како и македонските спортисти Дарио Ивановски и Игор Стефановски Иџе
Станува збор за голем настан кој ќе опфати над 27.000 деца, а натпреварите ќе се одвиваат на локално, регионално и државно ниво. Најдобрите од државата потоа ќе патуваат на завршниот турнир во Хрватска.
Во склоп на младинските игри влегуваат атлетика, народна, 3Х3, одбојка, одбојка на песок, ракомет, пинг-понг, тенис, шах, мал фудбал
Дополнителна вредност на целиот проект даваат и познатите спортски амбасадори, кои претставуваат инспирација за младите генерации. Имиња како Предраг Мијатовиќ, Жељко Обрадовиќ, Веселин Вујовиќ и многу други.
Претседателката на Федерацијата на училишен спорт на Македонија, Елена Мицковска, потенцира дека игрите се ново поглавје за училишниот спорт во државата.
„Оваа година очекуваме над 27.000 деца да бидат дел од Плазма Спортските игри за млади низ целата држава. Натпреварите ќе се одржуваат на месно, локално, регионално и државно ниво, во повеќе спортови, што значи дека создаваме систем кој ќе овозможи секое дете да добие можност за спорт и натпреварување. Најдобрите финалисти ќе бидат дел од големото меѓународно финале во Сплит, што е дополнителна мотивација за сите учесници. Утрешниот настан на Плоштад Македонија ќе биде вистински празник за младите“, изјави Мицковска.
Министерот за спорт, Борко Ристовски испрати порака дека државата ќе продолжи да вложува во младите и спортот.
„Плазма Спортските игри за млади не се само спортски натпревари. Ова е проект кој создава вредности, гради карактер и ги обединува младите. Нашата цел како институции е да создадеме систем во кој секое дете ќе има можност активно да се занимава со спорт. Ова е инвестиција во иднината на државата“, истакна Министерот за спорт Борко Ристовски.
Извршниот директор на Плазма Спортските игри за млади, Славен Мариќ, изрази задоволство што Македонија станува дел од големото регионално спортско семејство.
„Плазма Спортските игри за млади веќе три децении поврзуваат милиони деца низ регионот преку спорт, пријателство и фер-плеј. Среќни сме што Македонија се приклучува на оваа голема приказна. Веруваме дека Игрите ќе остават силен позитивен импакт кај младите и ќе создадат генерации кои ќе растат со вистински вредности“, изјави извршниот директор на Плазма Спортски игри за млади, Славен Мариќ.
Почетокот на Игрите симболично беше означен со палење на пламенот.
Настанот ќе се пренесува во живо на Арена Спорт и МРТ.
