ФИЛИП БЛАЖЕВСКИ ЈА ДОНЕСЕ ЕВРОПСКАТА БРОНЗА ВО СКОПЈЕ – ПРЕЧЕКАН ОД Д-Р БОРЧЕ КОСТОВСКИ

Македонскиот таеквондист Филип Блажевски оствари фантастичен успех на Европското првенство до 21 година, кое се одржа во Приштина, освојувајќи го бронзениот медал.

Блажевски на патот до одличјето забележа три победи и уште еднаш го потврди својот голем потенцијал, стигнувајќи до врвен резултат на европската сцена.

По враќањето во Скопје, младиот таеквондист беше пречекан од д-р Борче Костовски, кој му упати честитки за големиот успех и го истакна значењето на овој голем резултат за македонскиот спорт.

Филип Блажевски важи за една од новите големи олимписки надежи во таеквондо – спорт кој ѝ го донесе на Македонија најголемиот успех во историјата, сребрениот медал на Дејан Георгиевски на Олимписките игри во Токио.