Blagoja 
Фудбалската федерација на Македонија (ФФМ направи значаен чекор кон модернизација на стадионите со новата инвестиција – сопствен ЛЕД екран со вкупна должина од 210 метри. Со овој потег се унапредува доживувањето на натпреварите за гледачите, се зголемува промотивната видливост на партнерите и се создава современа дигитална атмосфера на фудбалските терени.
„До сега, рекламите на стадионите во Македонија се поставуваа само на дрвени табли. Со оваа инвестиција правиме голем исчекор кон современите стандарди. Сè е изведено без изнајмување, со јасна визија“, истакна Масар Омерагиќ, претседател на ФФМ.
Тој посочи дека ова е уште едно исполнето ветување и конкретен чекор кон професионализација на фудбалот во земјата, како и кон подигање на стандардите за репрезентацијата, публиката и спортот во целина.
„Фудбалот е на прво место. Напред Македонија“, порача Омерагиќ, најавувајќи дека ФФМ ќе продолжи со проекти кои го модернизираат спортскиот амбиент во земјата.
Погледнете го видеото.
