(ВИДЕO) ТОПКА СО ОЧИ НА ЧУРЛИНОВ ЗА ГОСТИНСКА ПОБЕДА НА КОЧАЕЛИСПОР

Македонскиот репрезентативец Дарко Чурлинов конечно влегува во посакуван ритам во турскиот тим Кочаелиспор. По двата гола и асистенцијата во купот, сега Дарко Чурлинов за прв пат оваа сезона се запиша во листата асистенти и во турскиот шампионат.

Чурлинов шанса за настап доби од клупата за резерви во 72 минута. Само една минута подоцна, со прекрасно додавање го пронајде напаѓачот Даниел Агеи, кој од непосредна близина ја смести топката во празната мрежа.

Со тоа Кочаелиспор дојде до значајна гостинска победа против Кајзериспор со конечни 1:2