ДЕНЕС НА ПРОГРАМАТА: ЕКС-ЈУ ДЕРБИ ВО МАЛМЕ

Продолжуваат возбудувањата на Европското првенство во ракомет. Денеска на програмата е претпоследното коло во главната рунда, од групата во која натпреварите се играат во Малме, Шведска.

Програмата од 15:30 ќе ја отворат Швајцарија и Исланд, а Исланѓаните ќе мора да победат, бидејќи бркаат полуфинале.

Потоа од 18:30 следува екс-ју дербито, помеѓу Словенија и Хрватска. И двете репрезентации имаат 4 бода, па поразената селекција од овој дуел, ќе се збогува со шансите да се најде помеѓу најдобрите четири.

Домаќинот Шведска ќе ја пречека Унгарија во вечерниот дуел (20:30) и се освен победа на „трите круни“ би претставувало големо изненадување.

Сите натпревари може да ги проследите со директен пренос на МРТ.