Кирил Стојанов 
Македонската е-спортс сцена сè повеќе заживува, а сега ќе се испише нова страница од нејзината историја. МакСпорт пред неполн месец разговараше со Дамјан „Kyxsan“ Стоилковски, капитенот на тимот Falcons, а сега првиот тим на Falcons добива уште еден Македонец – Матеј „NucleonZ“ Трајковски.
Тимот на Falcons успеа да обезбеди пласман на BLAST Bounty 2026 во Малта. Сепак, нивниот играч, Русинот „Kyousuke“, не доби виза, па шансата ја добива Матеј, кој е член на нивниот младински тим. Се надеваме дека тој ќе ја искористи оваа можност на најдобар можен начин.
Завршницата на турнирот во Малта започнува на 22 јануари, а Falcons денес од 16 часот играат против Liquid.
