ЈАКИМОВСКИ И ТРЕНТО ОБЕЗБЕДИЈА 1/4 ВО ЕВРОКУПОТ

Тимот на Тренто успеа да слави голема победа во Еврокупот, откако на гостувањето кај Венеција славеше со 94:90 по продолжение и обезбеди место во четвртфиналето

Во редовите на победничката екипа настапи и македонскиот репрезентативец Андреј Јакимовски. Тој на паркетот помина 33 минути, за кое време реализираше шест поени, а беше особено забележителен под кошевите со дури девет скокови.

Со овој триумф италијанскиот состав обезбеди пласман меѓу најдобрите осум екипи во Еврокупот, каде што во следната рунда ќе се соочи со турскиот Бешикташ.