Blagoja 
Македонскиот кошаркарски интеренационалец, Ненад Димитријевиќ го претрпе првиот пораз откако се пресели во тимот на Баерн Минхен.
Германскиот шампион имаше тешко гостување во Пиреја кај Олимпијакос каде претрпе пораз (95:80).
Тимот предводен од Српскиот стратег, Светислав Пешиќ имаше одличен почеток на натпреварот и водство по првите десет минути (23:21). Баварците одлично ја отворија и втората четвртина, предводени од одличниот шутер Обст, во петнаесетата минута имаа и +8, но тогаш домаќините се разбудија и со серија поени дојдоа до водство. На крајот на втората четвртина Олимпијакос имаше предност од 49:47.
Клучната разлика домаќините ја направија во третата четвртина која ја добија со 24:14.
Ненад Димитријевиќ и неговите соиграчи се обидоа во последната четвртина да се вратат во натпреварот, дојдоа на -6, но Дорси и Везенков со неколку клучни поени ја одземаа секоја шанса за изненадување.
Димитријевиќ се најде во стартната петорка на Пешиќ, во игра беше 22 минута, а успеа да реализира 6 поени, со шут од поле 3/5 и да запише пет асистенции.
Најефикасен на натпреварот беше Саша Везенков со 25 поени, а кај Баерн најдобар беше Обст со 21 поен.
За Баерн ова е 14 пораз на 21 натпревар со што се на 17 позиција. Олимпијакос пак дојде до 12 победа и 8. позиција.
