ТРОЈЦА РАКОМЕТАРИ НА МАКЕДОНИЈА – МОРААТ ПОДОБРО

Ракометната репрезентација на Македонија уттре ја очекува последниот натпревар од групната фаза во Хернинг. По воведните две кола, Македонија има пораз од Данска и реми против Португалија, па утрешниот дуел со Романија ќе решава за нашиот пласман понатаму.

Македонија засега игра одлично првенство, поразот од Данска беше очекуван, а вчерашната партија против Португалија – одлична. Сепак, селекторот Лазаров, смета дека имаме простор за напредок на одредени позиции, а ги спомена Марко Митев, Ненад и Никола Костески.

Романија не е репрезентација од калибарот на Данска и Португалија, но тоа не значи дека не треба сериозно да ја сфатиме. Треба да ги задржиме позитивните работи од вчерашниот меч, а истовремено да поработиме на сегментите каде што не бевме на посакуваното ниво, пред сè мислам на Митев и на браќата Костески, Ненад и Никола, на десната крилна позиција. Потребно е да функционираме подобро како тим и да направиме чекор напред. Како колектив и систем имаме предност, но не сакам да создавам дополнителен притисок врз играчите. Сепак, нема потреба ниту да бегаме од улогата пред овој натпревар, – изјави Лазаров на средбата со македонските новинари

Утрешниот дуел со Романија започнува во 18 часот, на Македонија и е потребна убедлива победа за да избори пласман понатаму.